Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Stuckenia filiformis

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Espigo-d'aigo(-primacholo)

Stuckenia filiformis

Potamogetonaceae

Nom en français : Potamot filiforme.

Descripcioun :
Aquesto espigo-d'aigo, dóu gènre Stuckenia, trachis en coulounìo dins li lau de mountagno. Es uno planto d'un verd sourne que fai de mato au founs di lau emé de fueio primo e d'ounte sorton de long pecou pourtant d'espigo. Aquésti, longo de 1,5 à 6 cm, an de "boulo" de flour espaçado, au contre de Stuckenia pectinata. Es uno planto aparado sus la listo roujo : categourìo NT, quàsi amenaçado. Coumpara emé l'espigo-d'aigo-peitinado, bèn mai coumuno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Stuckenia
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : 2 mm
Flourido : Estiéu

Sòu : Ca
Autour basso e auto : 400 à 2700 m
Aparado : Noun
Juilet à avoust

Liò : Lau de mountagno - Aigo
Estànci : Aupen
Couroulougi : Subrecoumoupoulito
Ref. sc. : Stuckenia filiformis (Pers.) Börner, 1912 (= Potamogeton filiformis Pers., 1805 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Stuckenia filiformis

ges

Coumpara Lambrusco(-bastardo) emé uno autro planto

Coumpara Espigo-d'aigo(-primacholo) emé uno autro planto